अमेरिकी राष्ट्रपति डोनाल्ड ट्रम्पले रुस र युक्रेनबीचको युद्ध अन्त्य गर्न निकट भविष्यमै शान्ति सम्झौता हुने दाबी गरेका छन्।
मंगलबार संयुक्त राष्ट्रसङ्घको महासभालाई सम्बोधन गर्दै उनले मस्कोको सैन्य आक्रमण रोक्न दुई देशबीच चाँडै सहमति जुट्ने बताएका हुन्।
सम्बोधनका क्रममा राष्ट्रपति ट्रम्पले आफू दुवै देशका शीर्ष नेतृत्वसँग निरन्तर सम्पर्कमा रहेको जानकारी दिए।
‘हामी रुस र युक्रेनका नेताहरूसँग निकै नजिकबाट काम गरिरहेका छौं, र हामी यो सम्झौता गराएरै छाड्नेछौं,’ ट्रम्पले भने, ‘मानिसहरूले अनुमान गरेभन्दा धेरै चाँडो यो सम्झौता हुनेछ, किनकि उनीहरू लड्दालड्दै आजित भइसकेका छन्।’
