सैनामैनामा विद्यालयस्तरीय कृत्रिम घटना अभ्यास कार्यक्रम सम्पन्न

निश्चल ज्ञवाली, सैनामैना । 

सैनामैनामा विद्यालयस्तरीय कृत्रिम घटना  अभ्यास कार्यक्रम सम्पन्न भएको छ । नेपाल रेडक्रस सोसाईटी शहरी पूर्व तयारी तथा आपतकालिन प्रतिकार्य प्रवद्र्धन परियोजनाको आयोजनामा सैनामैना नगरपालिका वडा नम्बर ५ स्थित श्री मलमला देवी माध्यमिक विद्यालयमा विद्यालयस्तरीय कृत्रिम घटना अभ्यास कार्यक्रम अन्तर्गत भूकम्प र आगलागीसम्बन्धीको कृत्रिम घटना अभ्यास गरिएको हो ।

अभिमुखिकरण कार्यक्रममा विद्यालय विपद् ब्यबस्थापन समितीका पदाधिकारी र सदस्यहरु, नगरस्तरिय स्वयंसेबक ब्युरोका सदस्यहरु, शिक्षक नायक, सहशिक्षक नायक, युवा रेडक्रस सर्कल, बाल क्लब, नेपाल स्काउट, र शिक्षक कर्मचारी र विद्यार्थीको सहभागितामा  घट्‌नाको अवधारणा, कृत्रिम घट्ना परिवेश र गर्नुपर्ने कार्यहरु तथा समुह विभाजन गरि सबैलाई घटना अभ्यास कार्यक्रममा निभाउनु पर्ने भुमिकाहरुको बारेमा जानकारी गराइएको हो ।

शुक्रबार श्री मलमला देवी माध्यमिक विद्यालयको खेल मैदानमा भूकम्प र आगलागीका बेला कसरी सुरक्षित हुने र सरोकारवाला निकायलाई कसरी खबर गर्ने भन्ने विषयमा विद्यार्थीहरुले नमुना प्रदर्शन गरेका थिए  । विद्यालय स्तरिय कृतिम घटना  अभ्यास कार्यक्रम गर्नु अघि रेडक्रस सोसाइटीका सहजकर्ता डिल्लीराज जोशीले कार्यक्रमको विषयवस्तुमा प्रशिक्षण दिनुभएको थियो । 

विद्यालय व्यवस्थापन समितिका अध्यक्ष भोजराज पाण्डेको अध्यक्षतामा सम्पन्न कार्यक्रममा नेपाल रेडक्रस सोसाइटीका प्रतिनिधि, स्वंयमसेवक व्युरो, विद्यालय व्यवस्थापन समितिका सदस्य, शिक्षक एवं विद्यार्थीहरु सहित करिब ८० जनाको उपस्थिति रहेको थियो । 

कार्यक्रममा रेडक्रसले विपद्का बेला राहत, प्राथमिक उपचार र सुरक्षित आवासमा भूमिका खेल्ने, शिक्षा क्षेत्रमा पर्ने प्रभावमा शिक्षा विकास तथा समन्वय इकाइले भूमिका खेल्ने, हिंसाका विषयमा सामाजिक विकास कार्यालय, उद्धारमा सुरक्षा निकाय खटिनेलगायतका विषयमा जानकारी गराइएको छ ।