आर्टिफिसियल इन्टेलिजेन्स (एआई) सम्बन्धी कम्पनीको सेयर मूल्यमा आएको गिरावटसँगै विश्वभरका प्रमुख सेयर बजारमा पनि दबाब देखिएको छ ।
युरोपमा फ्रान्सको सिएसी, जर्मनीको डिएक्स र बेलायतको एफटिएसइ शून्य दशमलव आठ प्रतिशतले घटेको छ । अमेरिकी सेयर बजारमा पनि गिरावटको सङ्केत देखिएको छ ।
ओपनएआईमा ठूलो लगानी रहेको जापानी कम्पनी सफ्ट बैङ्क ग्रुपको सेयर भने टोकियोमा सात दशमलव पाँच प्रतिशतले बढेको छ । एआई क्षेत्रमा देखिएको बजार दबाब ओपनएआईका प्रमुख कार्यकारी अधिकृत (सीइओ) साम अल्टम्यानको पछिल्लो टिप्पणीपछि थप बढेको हो ।
उहाँले ‘फच्र्युन’ पत्रिकालाई दिएको अन्तर्वार्तामा ओपनएआईले वाल स्ट्रिटमा सेयर बिक्री गर्न अर्को वर्षसम्म कुर्नुपर्ने बताउनुभएको थियो । यसले सफ्टबैङ्क तथा ओपनएआईका अन्य प्रारम्भिक लगानीकर्ताले ठूलो मात्रामा नगद प्राप्त गर्ने सम्भावित अवसरमा ढिलाइ हुने देखिएको छ ।
एआई उद्योगका केही अगुवाले यसको विकासको गति मानव सुरक्षालाई ध्यानमा राख्दै केही सुस्त बनाउनुपर्ने धारणा व्यक्त गरेका छन् ।
