आज सुनको भाउ तोलामा एक हजार ६०० रुपैयाँले बढ्यो

काठमाण्डौ - कारोबार हुने हप्ताको पहिलो दिन आज आइतबार सुनचाँदीको भाउ बढेको छ । 

अस्ति शुक्रबार सुनको भाउ तोलामा ५ हजार ८०० र चाँदीको भाउ तोलामा १५५ रुपैयाँले घटेको थियो । तर आज सुन तोलामा एक हजार ६०० रुपैयाँ र चाँदी ६० रुपैयाँले बढेको हो । 

भाउ बढेर आज सुन तोलाको दुई लाख ८७ हजार १०० रुपैयाँ र चाँदी चार हजार ४१० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । 

अस्ति शुक्रबार सुनको भाउ तोलामा दुई लाख ८५ हजार ५०० रुपैयाँ तथा चाँदीको भाउ चार हजार ३५० रुपैयाँ रहेको थियो ।