भदौ १४, काठमाडाैँ : भोटेकोशी बाढी प्रभावित जिल्लाका स्थानीय तहलाई सरकारले ६ करोड ७५ लाख रुपैयाँ नगद राहत पठाएको छ। राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार आइतबारसम्म रसुवा, नुवाकोट र धादिङका १५ स्थानीय तहमा राहत पठाइएको हो।
रसुवा र नुवाकोटमा एक–एक करोड र धादिङमा ५० लाख रुपैयाँका दरले नगद राहत पठाइएको हाे। सरकारले बाढी प्रभावितका लागि प्रधानमन्त्री दैवी प्रकोप उद्धार कोष र प्रधानमन्त्री राहत कोषमा सहयोग गर्न अपिल गरेको थियो। त्यही काेषबाट पहिलाे चरणमा सहायता पठाइएकाे हाे।
पछिल्लो विवरण अनुसार काेषमा चार अर्ब ३८ करोड नेपाली रुपैयाँ र ६ लाख ८० हजार अमेरिक डलर जम्मा भइसकेको छ।
यस्तै, हालसम्म ३७ ट्रक र १३ बोलेरोमार्फत खाद्य र गैरखाद्य सामग्री प्रभावित क्षेत्रमा पठाइएको प्राधिकरणले जनाएको छ। हेलिकप्टरबाट आठ वटा उडान गरी खाद्य तथा गैरखाद्य सामग्री पनि प्रभावति क्षेत्रमा पठाइएको छ।
